Нови детали ја потврдуваат сериозноста на трагедијата која го потресе Тамблер Риџ: во вторникот околу 13:20 часот по локално време, вооружено лице изврши напад во средното училиште, при што загинаа десет лица. Меѓу нив е и 39-годишен наставник, како и пет ученици на возраст од 12 до 13 години. Според полицијата, дел од телата биле пронајдени во училиштната библиотека, а едно тело на скалите.
Истовремено, полицијата потврди дека мајката, братот и сестрата на осомничениот биле убиени во нивниот дом пред да започне нападот во училиштето. Телата биле откриени околу 14:45 часот, откако сосед пријавил сомнителна активност.
Осомниченото лице е идентификувано како трансродова жена, родена како маж, која започнала процес на транзиција пред шест години. Полицијата наведува дека таа имала претходни интервенции поради проблеми со менталното здравје. Осомничената го напуштила училиштето пред четири години, а при нападот во училиштето биле пронајдени долга пушка и модифициран пиштол, нереџистрирани на нејзино име, со дозвола која истекла во 2024 година.
Мотивот за нападот сè уште не е познат, ниту полицијата пронашла каква било порака од напаѓачот. Повеќе од 25 лица се повредени, некои од нив во критична состојба.
