Во околината на Скопје биле пронајдени коски кои наликуваат на човечки, информираат од полицијата. Случајот бил пријавен вчера (12 февруари) во 16:49 часот, по што веднаш биле активирани надлежните служби.
Според информациите од СВР Скопје, остатоците биле откриени на локалитетот викан „Сулејманови ливади“ во атарот на Горно Количани. Во непосредна близина на местото биле пронајдени и парчиња облека.
Полициска екипа извршила увид на терен, а доказите се подигнати за понатамошна обработка. Надлежните институции преземаат активности со цел да се утврди дали станува збор за човечки остатоци, како и да се идентификува лицето и да се разјаснат сите околности поврзани со настанот.
