Во општина Пробиштип заврши изградбата на ново кошаркарско игралиште во Злетово, со што учениците од ПОУ „Кирил и Методиј“ и локалното население добија современ простор за спорт и рекреација.
Градоначалникот Тони Тоневски информира дека станува збор за мултифункционален терен со современа подлога, кој ќе овозможи подобри услови за физичка активност, особено кај младите.
„Овој проект е дел од нашата стратегија за унапредување на спортската инфраструктура и создавање подобри услови за здрав и активен живот на граѓаните“, истакна Тоневски.
Од општината најавуваат дека во наредниот период ќе следи и хортикултурно уредување на просторот околу игралиштето, со што целиот комплекс ќе добие комплетно уреден и функционален изглед.
Локалните власти потенцираат дека инвестициите во спортот и младите остануваат приоритет, како дел од напорите за развој на заедницата и подобрување на квалитетот на живот во Пробиштип.
