Градоначалникот на Општина Чаир, Изет Меџити, заедно со градоначалникот на Град Скопје, Орце Ѓоргјиевски, денес беа на терен за да го најават почетокот на реализацијата на булеварот „Мид’хат Фрашери“ во Чаир. Проектот опфаќа сегмент долг 1,4 километри, од крстосницата со улицата „Џон Кенеди“ до крстосницата со булеварот „Босна и Херцеговина“.
Булеварот ќе има четири сообраќајни ленти, зелен појас во средина, патеки за велосипеди во двете насоки, тротоари за пешаци и заштитен зелен појас со посебни простори за автобуска станица.
Проектот се финансира од Градот Скопје и има за цел да ја подобри инфраструктурата, да ја зголеми безбедноста и да го приближи Чаир кон стандардите на модерен, зелен и функционален град.
…
