На 13 февруари 2026 година во 13:50 часот, полициски службеници од Полициската станица Македонски Брод го лишиле од слобода 31-годишниот З.Х. од Република Албанија, под сомнение за сторено кривично дело „давање поткуп“.
Настанот се случил на улицата „Маршал Тито“ во Македонски Брод, каде при сообраќајна контрола полициските службеници запреле товарно возило „ман“ со албански национални ознаки.
При проверката на документите, осомничениот во патната исправа која ја дал на увид ставил пари, со што се обидел да влијае врз службеното постапување.
За случајот бил известен јавен обвинител, а лицето било задржано во полициска станица. По целосно документирање на настанот, против него ќе биде поднесена соодветна пријава.
