Царинските службеници на Граничниот премин Богородица, спречија обид за илегално внесување златен накит со висока вредност. Според соопштението на надлежните, вредноста на запленетиот накит изнесува 581.900 денари.
Лицето што се обидело да го пренесе накитот не платило соодветни давачки во износ од 207.738 денари. Накитот е запленет, а против сторителот е поднесена кривична пријава за криумчарење, согласно Кривичниот законик на Република Македонија.
Случајот е предаден на Одделението за истраги, кое ќе го води понатамошното постапување во согласност со законските процедури.
