На Минхенската безбедносна конференција, генералниот секретар на НАТО, Марк Руте, изјави дека Русија во војната во Украина претрпела големи загуби, оценувајќи дека околу 65.000 руски војници биле изгубени во последните два месеци.
Руте посочи дека приходите на Русија од нафта се намалени за една третина и дека државниот фонд се троши забрзано. Тој додаде дека Алијансата е доволно силна и дека Москва во моментот не би се осмелила на директен напад.
„Ќе победиме во секоја борба со Русија ако нè нападнат сега, и мораме да се погрижиме тоа да важи и за две, четири или шест години понатаму“, нагласи генералниот секретар на НАТО на тркалезната маса со новинарите.
