Руските власти соопштија дека во текот на 12 часа биле соборени повеќе од 170 дронови над регионот Брјанск, во близина на границата со Украина.
Според информациите, дел од дроновите погодиле енергетска инфраструктура, по што во повеќе населени места, вклучително и градот Брјанск, биле регистрирани прекини во снабдувањето со електрична енергија и греење.
Прекини на струја се пријавени и во соседниот регион Белгород, кој во изминатиот период често е цел на прекугранични напади.
Овие случувања доаѓаат во контекст на засилените напади со беспилотни летала од двете страни на фронтот, при што енергетските објекти сè почесто се мета со цел да се наруши снабдувањето и логистиката.
Засега нема официјални информации за евентуални жртви, додека службите работат на санација на штетите и обновување на електричната мрежа.
