Европа може да стане следната голема територија каде iPhone ќе се ослободи од класичните SIM‑картички.
Според нови информации од Techmaniacs, Apple подготвува значајна промена за својот најнов смартфон – серијата iPhone 18. По моделот кој веќе во 12 земји, меѓу кои САД, Јапонија, Мексико и Саудиска Арабија, функционира исклучиво со eSIM, компанијата би можела да го укине и физичкиот SIM‑слот за европскиот пазар. Веста прво ја објави GSMArena.
Ова би претставувало голем пресврт во стратегијата на Apple: целосна транзиција кон дигитални SIM‑картички, што носи и технички придобивки. Според извештајот, отстранувањето на слота за физички SIM би ослободило вреден простор во внатрешноста на уредот, кој Apple би можел да го искористи за поголема батерија. Се шпекулира дека iPhone 18 Pro Max би можел да има батерија со капацитет меѓу 5100 и 5200 mAh – значително зголемување во однос на минатите генерации.
Во меѓувреме, лансирањето на новата линија ќе се одвива на два бранa: моделите iPhone 18 Pro и iPhone 18 Pro Max би требало да пристигнат како обично – во септември оваа година, додека “основниот” iPhone 18 и неговиот наследник на iPhone Air би биле пуштени на пазарот подоцна, на почетокот на 2027 година.
