Се чини дека Mercedes-Benz подготвува примамлива понуда на пазарот – германскиот гигант најави најмалку 16 нови модели до крајот на годината, со што ќе го одбележи еден од најдинамичните периоди во својата современа историја. По освежувањето на S-класата, компанијата не мирува: во наредните месеци на сцената ќе се појават седум новитети, кои ќе покријат речиси цела палета – од влезниот сегмент до врвните луксузни модели.
На врвот на понудата, се очекуваат нови варијанти на престижната Maybach S-класа, продолжение на редизајнот на класичната S-класа. Во план се и обновувања на GLS, со можност за неговата Maybach изведба, додека AMG фановите можат да очекуваат моќни спортски верзии, па дури и потенцијален кабриолет базиран на легендарната G-класа. За љубителите на електричните возила, Mercedes-Benz го проширува EQ семејството – освежени EQS и EQS SUV се сигурни, а шпекулациите зборуваат и за нова електрична AMG спортска лимузина.
Во централниот сегмент на брендот, внимание привлекува редизајнот на C-класата во лимузинска и караванска варијанта, заедно со освежувања на GLC и GLC Coupe. За 2026 година е предвидена и целосно електрична C-класа, додека EQE и EQE SUV постепено ќе се повлекуваат без дополнителни модификации.
Новата генерација на GLA, во влезниот сегмент, ќе има и електрична верзија со EQ технологија. Сите нови модели ќе ја носат новата дизајнерска насока на Mercedes-Benz, која се оддалечува од карактеристичниот „јајчест“ изглед на првите EQ возила. И тоа не е се – веќе за 2027 година се подготвува помала G-класа и нов почетен модел што ќе ја замени A-класата, но во покросоверски формат.
Стратегиската промена на компанијата ја следи реализацијата дека транзицијата кон електрични возила се одвива побавно од очекуваното. Затоа, Mercedes-Benz повторно ги истакнува моторите со внатрешно согорување, зајакнувајќи ја својата пазарна позиција, додека истовремено го проширува електричниот портфолио. Со оваа комбинација, брендот влегува во динамична фаза на трансформација, со цел стабилен раст и зголемена конкурентност во следните години.
