На јужниот дел на Исланд, на малиот и речиси ненаселен остров Елидеј, стои куќа која ја нарекуваат најосамената во светот. Опкружена со ледени води и сурови предели, пристапот до неа е вистинска авантура: нема пристаниште, нема мост – единствениот пат е со кајак или со јаже, низ студените и често немирни води.
Некогаш овој остров оживувал со животот на неколку семејства кои се занимавале со сточарство и риболов. Но во 1930-тите, последните жители ја напуштиле Елидеј, оставајќи зад себе само една куќа. Од тогаш, таа станала предмет на митови и шпекулации: од приказни за анонимен милијардер кој ја купил како апокалиптично засолниште, до гласини дека куќата припаѓа на светски познатата исландска пејачка Бјорк. Во реалноста, тоа е скромно уточиште за ловџии, место каде можат да се сместат за време на ловната сезона.
Внатре, куќата нуди се што е потребно за неколку дена во целосна изолација – кујна, простор за одмор, греење и складирање храна. Но вистинската награда не е удобноста, туку тишината и погледите кои го опкружуваат островот: сурова природа, ледени бранови и чувство на апсолутна слобода од светот што останал зад гребените.
