Денеска и утре Македонија ќе биде под влијание на студена и претежно сува воздушна маса од север, што ќе донесе релативно суво, но ладно време. Особено во утринските часови се очекуваат минусни температури и појава на утрински мразеви.
Облачноста ќе се намали, но во Повардарието и југоисточните предели ќе дува силен северен ветер кој повремено може да достигне брзина над 70 километри на час.
Според метеопрогнозерот Славчо Попоски, од петок се очекува промена на времето со дожд и снег, што ќе ја замени засилената студена воздушна маса.
