Денес небото ќе биде променливо облачно, со периоди на сонце кои ќе ги осветлат повеќето предели. Претпладне, од север ќе дува засилен ветер кој локално може да достигне над 60 км/ч, особено чувствителен во источните региони и во Пелагонија. Температурите ќе се движат од -3 до 5 степени наутро, додека дневната максимална ќе се искачи до 11 степени.
Во главниот град, сонцето ќе пробива низ облаците, но ќе се почувствува силниот северен ветер. Минималната температура ќе падне до 1 степен, а дневната ќе се искачи до 9.
Четврток ќе донесе ведро и студено утро со негативни температури ширум земјата. Ноќта кон петок ќе го врати дождот и снегот, пониските предели ќе се разбудат со дожд, повисоките со дожд и снег, а планините ќе се покријат со свеж снег.
Викендот, времето ќе биде постудено и ветровито, со северни ветрови кои ќе го разиграат воздухот. Добрата вест е дека од понеделник дневните температури ќе тргнат нагоре, носејќи убаво чувство на пролетна топлина.
