Во втората половина од 2025 година, Тетово се издвојува со раст на цените на продадените станови од 22 проценти, споредено со истиот период од претходната година, покажува Извештајот на Регистарот на цени и закупнини објавен од Агенцијата за катастар на недвижности.
Покрај Тетово, значителен раст е забележан и во Куманово со 24 проценти, Карпош, Кисела Вода и Гази Баба со по 16 проценти, додека во Центар растот изнесува 14 проценти. Единствено во Гостивар е регистриран пад на цените од два проценти.
Најниска цена по метар квадратен во овој период е забележана во Чаир – 19.543 денари, додека највисоката е во Центар – 232.722 денари. Во Тетово, покрај порастот на цените, забележан е и пораст на бројот на продадени станови за 13 проценти.
Во второто полугодие на 2025 година, на пазарот на недвижности во земјата се регистрирани вкупно 17.603 трансакции, што е пораст од 11,6 проценти во однос на првото полугодие. Анализата на Агенцијата оценува дека растот на обемот на трансакциите се должи на подобрени услови за финансирање и зголемена доверба во пазарот на недвижности.
