Во текот на ноќта низ целата земја се бележат повремени врнежи од дожд, со умерен интензитет и со кратки прекини, соопшти Управата за хидрометеоролошки работи (УХМР).
И денеска се очекуваат слаби врнежи, кои, иако не се обилни, може да предизвикаат локално зголемување на водостоите на реките. Особено критична останува ситуацијата во горниот дел на сливот на реката Вардар, каде водостојот сеуште е висок, а поплавите и заезерувањата се можни.
Слични појави се очекуваат и во сливот на реката Црна, како и во Струмичката котлина, Струшкото поле и другите рамничарски подрачја. Дури и помалите реки и суводолиците низ земјата може да доживеат покачување на водостоите, предупредуваат од УХМР.
