Северноамериканската команда за воздушна одбрана (NORAD) потврди интензивна воздушна активност над Алјаска, откако повеќе руски летала биле забележани во близина на американската одбранбена зона. Според официјалните информации, руската флота испратила два бомбардери Ту-95, два ловци Су-35 и еден шпионски авион А-50, кои влегле во Зоната за идентификација на воздушната одбрана (ADIZ).
Во одговор, американските сили веднаш подигнаа во воздух два Ф-16 и два Ф-35, поддржани од четири танкери КЦ-135, со цел да ги пресретнат и придружуваат руските авиони додека не ја напуштат воздушната зона околу Алјаска. Во соопштението, NORAD нагласи дека ваквите акции се стандардна мерка за обезбедување на безбедноста на воздушниот простор и за демонстрирање на готовност на американските воздушни сили.
