Со почетокот на снежните врнежи утрово, патниот правец Тетово – Попова Шапка стана непристапен за камиони и автобуси. Забраната за движење стапи во сила во 7:40 часот, а за сите останати возила задолжителна е зимската опрема, соопшти ЈП „Македонијапат“.
Претходно, веќе од 6:50 часот, истото јавно претпријатие воведе забрана за камионски сообраќај на патните правци Маврово – Дебар и Гостивар – Кичево, преку планинскиот превој Стража, поради обилниот снег што ја намали видливоста и го отежна движењето.
Возачите се повикуваат на внимателност, прилагодување на брзината и почитување на воведените ограничувања, додека метеоролозите најавуваат продолжување на зимските врнежи.
