Илон Маск на социјалната мрежа X објави видео со импресивно приземјување на ракета на „SpaceX“, проследено со кратка порака: „Starship flies again next month“.
На снимката се гледа како ракетниот бустер се враќа на Земјата и слетува со речиси совршена прецизност, демонстрирајќи ја напредната технологија за повторна употреба што ја развива компанијата. Ваквите маневри се клучни за намалување на трошоците за вселенските мисии и за идните планови за летови до Месечината и Марс.
Објавата на Маск веднаш привлече огромно внимание и милиони прегледи, а најавата дека „Starship“ повторно ќе полета следниот месец дополнително ја зголеми возбудата меѓу љубителите на вселената и технологијата.
„Starship“ е најголемата и најмоќна ракета што досега ја развил „SpaceX“ и претставува централeн дел од плановите за долгорочни мисии во длабоката вселена, како и за поставување на сателити од системот „Starlink“.
Погледнете го видеото од спектакуларното приземјување во продолжение.
