Автомобил изгоре во вечерните часови во Струмица, во близина на поранешниот објект „Симпо“, откако избувнал пожар кој целосно го зафатил предниот дел од возилото.
На местото веднаш интервенирала противпожарна екипа, која го локализирала огнот, а увид извршиле и надлежните служби.
Засега нема официјални информации за причините за пожарот, но според првичните сознанија се разгледува можноста дека станува збор за намерно подметнат оган.
Во јавноста се појавија неофицијални информации дека возилото се поврзува со поранешен инспектор во Министерството за внатрешни работи, но од институциите засега нема потврда за ова.
Ќе се анализираат и снимките од надзорните камери во околината со цел да се утврди како настанал пожарот и дали има елементи на кривично дело.
Истрагата е во тек, а од МВР се очекуваат повеќе детали.
