Во водите околу хрватскиот остров Црес е забележан импресивен морски гостин – џиновска ајкула (Cetorhinus maximus), вториот најголем вид ајкула во светот. Снимката, која ја анализираше Институтот „Син свет“, покажува карактеристична форма на грбната перка, што го потврдува идентитетот на видот, иако снимката не е целосно јасна.
Џиновските ајкули се редок, но постојано присутен вид во источниот Јадран, најчесто забележуван во северниот дел, особено во Кварнерскиот залив. Областа е богата со зоопланктон, кој го привлекува овој вид филтер-хранители.
Овие ајкули можат да достигнат должина од над 10 метри, но се потполно безопасни за луѓето. Тие се миграторни и се хранат со планктон, филтрирајќи морска вода со широко отворена уста.
„Со учество на јавноста во собирањето податоци добиваме вредни информации што им помагаат на научниците во истражувањето и заштитата на морето. Секоја фотографија и секој запис придонесуваат за подобро разбирање и зачувување на морскиот екосистем“, истакнуваат од Институтот „Син свет“.
Видеото може да го погледнете тука
…
