Полициски службеници од СВР Тетово извршиле увид во село Јеловјане, тетовско, по пријава за бесправна сеча на дрва, информираат од полицијата.
Настанот бил пријавен на 23.02.2026 година, во периодот од 14:30 до 15:30 часот, од страна на вработен во Националниот парк „Шар Планина“. Според пријавата, непознати сторители исекле околу 20 кубни метри огревни букови дрва.
По пријавата, полициски екипи излегле на терен и извршиле увид, при што биле констатирани наводите.
Од МВР информираат дека се преземаат мерки и активности за целосно расчистување на случајот и откривање на сторителите.
