Дојави за поставени бомби утрово пристигнале во повеќе основни и средни училишта во Тетово, по што веднаш се преземени безбедносни мерки.
Според првичните информации, надлежните служби постапуваат по пријавите, а учениците и вработените се евакуирани од училишните објекти со цел безбедносна проверка.
Полицијата врши проверки на терен и работи на утврдување на околностите околу дојавите.
Повеќе информации се очекуваат по завршување на увидот.
Инаку, дојава за бомба имаше и минатата недела во тетовската гимназија „Кирил Пејчиновиќ“.
…
