Европската комисија засега не очекува дека тензиите и евентуалната ескалација на конфликтот во Иран би можеле да доведат до голем миграциски бран кон Европа.
Еврокомесарот за миграција Магнус Брунер, по средбата и разговорите со турскиот министер за надворешни работи Хакан Фидан, посочи дека турските власти презеле чекор со кој ја затвориле границата со Иран, со што се намалува ризикот од поголеми движења на население кон запад.
Тој нагласи дека, и покрај внимателното следење на развојот на настаните, досега не се регистрирани значајни миграциски движења долж иранските надворешни граници.
Европските институции остануваат во постојан контакт со партнерите од регионот на Блискиот Исток, како и со меѓународните организации, со цел навремено да реагираат доколку ситуацијата се промени.
