Викендов, еко активисти од населбата Тризла заедно со ЈКП Комуналец – Прилеп реализираа симболична акција за чистење, со цел да поттикнат свест кај граѓаните за одржување на чиста животна средина.
Граѓаните беа повикани да не фрлаат отпад насекаде, туку да го собираат во канти за отпад, додека Комуналец е задолжен да го подигне отпадот од домовите, без разлика на количината.
За полесно собирање на отпадот, во населбата беа поставени контејнери од 5м³. Организаторите најавуваат дека акцијата ќе продолжи и во наредните викенди, во соработка со локалните жители, со цел Тризла да остане чиста и уредна.
ЈКП Комуналец – Прилеп истакнува дека грижата за животната средина е задача на сите граѓани и дека секој отпад има своето место.
…
