Назми Даути од Секторот за јавни дејности при Општина Тетово денеска информира дека, доколку се утврди дека дојавите за поставени бомби се лажни, учениците ќе треба да се вратат на настава. Препораката следи по два дена прекин на наставата во тетовските основни и средни училишта поради лажни дојави.
Општина Тетово побара од полицијата зголемено присуство пред училишта и спроведување брза и транспарентна истрага за идентификување на сторителите. Даути истакна дека учениците и наставниците ќе бидат евакуирани од страна на Министерството за внатрешни работи и ќе почекаат инструкции од Општина Тетово за продолжување или прекин на наставата.
„Бидејќи овие два дена децата не се враќаат во училиштето, нема потреба за паника. Денес во попладневната смена образовниот процес ќе продолжи“, рече Даути, додавајќи дека општината е во постојана комуникација со директорите и сите релевантни институции, но нема информации кој стои зад лажните дојави.
…
