На автопатот Скопје–Куманово, полициски службеници ноќта на 23 февруари извршија акција со која го лишија од слобода 33-годишниот турски државјанин О.К. Тој со возило „шкода“ со косовски регистарски ознаки превезувал шест мигранти, тројца од Египет и тројца од Алжир.
Инцидентот започнал на наплатната станица Романовце, каде О.К. не застанал на полициски знак, но по преземени истражни мерки, возилото било пронајдено и криумчарот приведен. Случајот е во процес на документирање, а против него ќе биде поднесена кривична пријава за криумчарење на лица.
