По неодамнешната одлука на американскиот Врховен суд да ги поништи неговите глобални царини, амеркианскиот претседател Доналд Трамп повторно ја заостри реториката кон трговските партнери на САД. Тој предупреди дека секоја држава која ќе се обиде да го игнорира договорот за трговија со САД, ќе се соочи со сериозни економски последици.
„Ако некој сака да си „игра“ со оваа апсурдна одлука на Врховниот суд, особено оние што долго ја „ограбуваа“ САД, ќе ги дочекаат уште повисоки царини од оние што неодамна беа договорени“, порача Трамп преку својата социјална мрежа „Truth Social“.
Тој истакна дека судската одлука не ја ограничува неговата моќ да воведува царини според други закони и дека може да дејствува „на многу помоќен и порадикален начин“. Трамп исто така наговести можност за воведување нови лиценцни такси за трговските партнери, без да прецизира детали.
