Поради планирани прекини во снабдувањето со електрична енергија, утре дел од Тетово и околните села ќе останат без струја во повеќе временски интервали.
Според најавите, на 25 февруари 2026 година без електрична енергија ќе бидат делови од селата Гајре, Горно Седларце и Радиовце, како и одредени делови од градот Тетово.
Во село Гајре прекинот ќе трае од 08:55 до 15:00 часот, при што ќе бидат опфатени делови од селото и МХЦ 3. Во Горно Седларце струја нема да има од 09:00 до 13:00 часот, односно во дел од селото.
Во село Радиовце, прекинот е најавен од 09:00 до 14:00 часот, и ќе ги зафати објектите кои се наоѓаат на излезот од селото кон село Теново.
Во Тетово, пак, без електрична енергија ќе бидат делови од градот во периодот од 09:30 до 14:30 часот, односно објекти во дел од населбата Поток кај Старо Пазарче.
Надлежните апелираат граѓаните навреме да ги планираат своите активности, а прекините се поради изведување технички зафати на електродистрибутивната мрежа.
