Земјотрес со јачина од 4,3 степени според Рихтеровата скала вечерва е регистриран во Албанија, а потресот бил почувствуван и во повеќе градови во западниот дел на Македонија, меѓу кои Дебар, Струга и Охрид.
Според информациите, земјотресот се случил на 24 февруари 2026 година околу 20 часот, со епицентар во близина на Елбасан. Географските координати на епицентарот се 40,99 северна географска ширина и 19,75 источна географска должина.
Податоците од Европско-медитеранскиот сеизмолошки центар покажуваат дека хипоцентарот на земјотресот бил на длабочина од околу 10 километри.
Засега нема информации за причинета материјална штета или повредени лица, а надлежните институции внимателно ја следат состојбата.
