УЕФА ја казни ФК Црвена Звезда со вкупно 95.500 евра поради инциденти за време на натпревар од Лига Европа против ЛОСК Лил.
Од вкупната сума, 40.000 евра се однесуваат на големото навивачко корео (тифо), кое прикажуваше православна икона на Исус Христос и натпис на српски јазик: „Нека нашата вера ве води до победа“.
Според УЕФА, пораката била оценета како несоодветна за спортски настан и како нешто што може да ја наруши репутацијата и интегритетот на фудбалот и организацијата.
Останатиот дел од казната се однесува на други прекршоци поврзани со однесувањето на навивачите за време на натпреварот.
Случајот повторно ја отвори дебатата за границите на изразување на трибините, особено кога станува збор за религиозни и политички симболи во спортот.
Од Црвена Звезда засега нема официјална реакција за одлуката, додека навивачите на социјалните мрежи веќе ја оценуваат казната како строга и контроверзна.
