Македонецот Лука Стоикос, кој настапува за Канада на Зимските олимписки игри, привлече внимание со гест со кој ја истакна својата културна и духовна припадност.
Стоикос се појави со маица на која е прикажан ликот на свети Климент Охридски, еден од најзначајните духовници и просветители во македонската историја. Маицата, како што информираат негови блиски, потекнува од македонската црква во Торонто, каде што активно се негува македонската традиција и идентитет.
Со овој гест, Стоикос испрати порака за поврзаноста со своите корени, и покрај тоа што настапува под знамето на Канада. Неговиот потег беше поздравен од македонската дијаспора, која го доживеа како симбол на гордост и зачувување на националниот идентитет.
Настапот на Стоикос на најголемата зимска спортска сцена е уште еден пример како спортистите од дијаспората го носат македонскиот дух со себе, претставувајќи мост меѓу двете земји.
