Унгарскиот министер за надворешни работи, Петер Сијарто, изјави дека блокадата на нафтоводот „Дружба“ ја извршуваат истите сили кои биле одговорни за саботажата на гасоводот Северен тек, предупредувајќи дека Унгарија мора да се подготви за можни напади врз својата енергетска мрежа.
На вчерашниот состанок во градското собрание во Кишкунлахаза, Сијарто го обвини Киев за уништувањето на Северен тек, нарекувајќи го тој чин „државен тероризам“. „Срамота е што Европа го игнорира овој напад и што некои европски земји ги прогласуваат сторителите за херои“, додаде тој.
Министерот истакна дека заштитата на унгарските нафтoводи и гасоводи е од витално значење и дека денес не може да се исклучи можноста за физички напади врз енергетските објекти што ја снабдуваат земјата. „Оние кои денес го блокираат Дружба, се истите кои го кренаа во воздух Северен тек. Мораме да бидеме подготвени и да ги спречиме овие закани“, рече Сијарто.
Исто така, тој потенцираше на претстојните парламентарни избори со позицијата на Унгарија во однос на конфликтот во Украина. „Ако останеме на власт, средствата на унгарските даночни обврзници нема да одат во Украина, и нема да бидеме вовлечени во војна на европскиот континент“, истакна Сијарто.
Унгарскиот премиер Виктор Орбан, по вчерашната седница на Советот за одбрана соопшти дека енергетската инфраструктура ќе биде засилено обезбедена. Според него, блокадата на испораката на нафта од Украина е мотивирана политички, а Киев може да се обиде на дополнителни акции за попречување на работата на унгарскиот енергетски систем.
Засилената заштита ќе вклучува распоредување на војници и неопходна опрема за одбивање на евентуални напади, додека полицијата ќе ги засили патролите околу клучни електрани, дистрибутивни станици и управувачки центри.
