Судот во Атина донесе пресуда која ја затвора страницата на еден од најгласните скандали во Грција во последните години, прислушувањето на јавни личности со шпионскиот софтвер „Предатор“. Четворицата обвинети беа прогласени за виновни и добија вкупна казна затвор од 126 години.
Случајот излезе во јавност во 2022 година, кога излегоа шокантни информации дека влијателни лица, меѓу кои политички лидери и новинари, биле мета на нелегално следење. Подоцна истрагата откри траги од софтверот на бројни уреди на министри, лица од безбедносните служби и водечки бизнисмени, откривајќи систематска злоупотреба на технологијата за шпионирање.
