По повеќегодишно боледување, на 71-годишна возраст почина проф. д-р Владо Јаневски, истакнат хирург и сопруг на министерката за образование и наука Весна Јаневска.
Јаневски важеше за еден од препознатливите медицински професионалци во земјава, со долгогодишна кариера во хирургијата и силен ангажман во едукацијата на млади лекари. Низ годините обучил бројни генерации доктори кои денес работат во Клиничкиот центар „Мајка Тереза“ и во други здравствени установи.
Колегите го опишуваат како строг, но правичен ментор, човек со висок професионален интегритет и посветеност кон пациентите и медицинската наука.
Посмртните останки ќе бидат изложени утре (1 март) во 11:00 часот во капелата во Бутел, каде семејството, пријателите и колегите ќе можат да му оддадат последна почит.
