Триесет и тригодишен скопјанец бил лишен од слобода откако полицијата запрела патничко возило на подрачјето на Центар, во кое биле затекнати две малолетнички со кои тој се познавал од претходно, но немале роднинска врска.
Настанот се случил на 27 февруари околу 22:30 часот, кога полициски службеници го сопреле возилото управувано од З.Т. (33) од Скопје. По контролата, тој бил приведен и со него бил извршен службен разговор во полициска станица.
Со малолетничките, пак, бил извршен разговор во присуство на нивните родители, бранител и стручен тим од Меѓуопштинскиот центар за социјални работи, согласно законските процедури за заштита на малолетни лица.
Од полицијата информираат дека се преземаат мерки за целосно расчистување на случајот, по што ќе следува соодветен поднесок.
Засега не се соопштуваат дополнителни детали за околностите под кои малолетничките биле во возилото.
