Во најновиот бран ракетни напади од Иран врз Израел, според видеоснимки што се шират на интернет, наводно била употребена касетна муниција над централните делови на земјата.
По нападите, израелската служба за итна медицинска помош, Magen David Adom, соопшти дека нивни екипи биле испратени на повеќе локации каде што биле пријавени падови на ракети во централниот дел на Израел. Полицијата во меѓувреме обезбедува дел од погодените подрачја и апелира граѓаните да не се приближуваат.
Едно лице, 45-годишен маж, е пренесено во болница со повреди на лицето, додека медицинските тимови продолжуваат да им укажуваат помош на лица кои се полесно повредени додека се обидувале да стигнат до засолништа. Противпожарните служби ги повикаа жителите во погодените области да останат во своите домови додека траат интервенциите.
The Israel were hit by Iran's cluster missiles.
Where is the air defense system? pic.twitter.com/znq3wZcSsQ
— Sprinter Press (@SprinterPress) March 1, 2026
Во одделен напад во Ерусалим, медицинските екипи информираа дека се згрижени најмалку пет повредени лица.
Најтежок бил ударот во градот Беит Шемеш, западно од Ерусалим, каде што според локалните власти загинале најмалку девет лица, а повеќе од 45 се повредени, меѓу кои и деца. Израелските медиуми јавуваат дека во нападот биле уништени најмалку четири станбени згради, а ракетата наводно продрела и низ засолниште во близина.
Израелските власти соопштија дека меѓу жртвите има и мајка со ќерка.
Нападите претставуваат дел од ескалацијата на конфликтот меѓу Иран и Израел, додека безбедносните служби остануваат во состојба на висока готовност.
İran, İsrail'i bir kez daha vurdu. Kudüs, Tel Aviv ve Hayfa şehirlerinde patlamalar meydana gelirken, ülke genelinde sirenler çalıyor
— UBE HABER (@ubehaber) March 1, 2026
…
