Иран испукува помалку ракети отколку на почетокот на конфликтот во саботата, а неговите воени капацитети се значително намалени, изјави во среда висок американски генерал. Во исто време, САД ги прошируваат своите напади подлабоко на иранска територија, објави Ројтерс.
„Сега ќе почнеме да ги прошируваме нападите во внатрешноста и да навлегуваме подлабоко на иранска територија, што ќе создаде дополнителна слобода на маневрирање за американските сили“, изјави генералот Ден Кејн, претседател на Здружениот штаб, на прес-конференција во Пентагон.
Министерот за одбрана на САД, Пит Хегсет, изјави дека САД ја добиваат војната против Иран, изразувајќи жалење за шесте американски војници кои досега загинаа во конфликтот. Тој додаде дека САД ќе го „надживеат“ Иран.
Хегсет потврди дека американската војска потопила ирански воен брод покрај брегот на Шри Ланка, истакнувајќи дека тоа е првиот торпедски напад врз непријателски брод од Втората светска војна. Ова првпат го објави Ројтерс.
„Американска подморница потопи ирански воен брод кој мислеше дека е безбеден во меѓународни води. Наместо тоа, беше погоден од торпедо. Тивка смрт“, рече Хегсет.
…
