Српската компанија PR-DC, специјализирана за производство на цивилни и воени дронови, објави нови фотографии од дронот IKA-M-AB94, кој е усвоен од Вооружените сили на Србија.
Според достапните информации, дронот има можност да носи и испушта до 12 минофрлачки гранати М73 опремени со запалка М68П1-Д, специјално прилагодени за операции изведени од беспилотни летала.
IKA-M-AB94 во моментов се наоѓа во фаза на тестирање од страна на српските безбедносни сили, а пробите се спроведуваат на одредени воени полигони.
Објавените фотографии предизвикаа внимание во безбедносните кругови, со оглед на зголемената улога на беспилотните системи во современите воени операции. Засега нема дополнителни детали за оперативниот статус или за можната сериска испорака на овие дронови.
