Воената база Али Ал-Салем во Кувајт беше погодена од нови напади, по што во базата избувнал голем пожар, јавуваат повеќе меѓународни медиуми. Според првичните информации, нападот бил изведен со балистички ракети и беспилотни летала во рамки на ескалацијата на конфликтот на Блискиот Исток.
Сателитски снимки и сведоштва од теренот покажуваат густ чад и пламен во делови од базата, а се претпоставува дека е погоден и резервоар за гориво, што предизвикало силен пожар.
Кувајтските власти потврдија дека во нивниот воздушен простор биле откриени и пресретнати повеќе ракети и дронови насочени кон воени објекти, меѓу кои и оваа база.
Базата Али Ал-Салем е една од главните американски воени бази во регионот и служи како клучен логистички центар за операции на САД и сојузниците на Блискиот Исток.
Нападот доаѓа во период на силна ескалација на конфликтот, откако Иран започна серија ракетни и дронски напади врз американски и сојузнички воени позиции во регионот.
Засега нема официјални информации за бројот на жртви или за точната материјална штета во базата, додека безбедносните служби продолжуваат со проценка на последиците од нападот.
🚨🇮🇷🇰🇼Ali Al-Salem Air Base on fire in Kuwait.pic.twitter.com/2e6S9xnluz https://t.co/wkYEDbI34P
— Mario Nawfal (@MarioNawfal) March 6, 2026
