Иранската Исламска револуционерна гарда (ИРГК) соопшти дека лансирала балистички ракети со боеви глави од еден тон кон аеродромот Бен Гурион во Тел Авив. Набрзо ракетата била пресретната.
Во официјалното соопштение на ИРГК, се наведува дека ракетите „Хорамшахр-4“ биле испалени во зори кон, како што посочија, „срцето на Тел Авив, аеродромот Бен Гурион и базата на 27-та ескадрила на израелските воздухопловни сили на овој аеродром“, објавува „ Тајмс оф Израел“ .
Моментално нема информации за жртви или материјална штета предизвикана од остатоците од пресретнатата ракета.
Сепак, во израелските воздухопловни сили нема 27-ма ескадрила. Се верува дека тврдењето се однесува на воздухопловната база 27, позната и како база Лод, која некогаш била дел од комплексот на аеродромот Бен Гурион, но била трајно затворена во 2010 година.
Израелските одбранбени сили (ИДФ) објавија дека сите балистички ракети што Иран ги лансираше кон Израел во текот на ноќта биле пресретнати од системи за воздушна одбрана. Една ракета испалена наутро погодила отворена површина во град во централниот дел на земјата.
Патем, „Хорамшахр-4“ (исто така познат како „Кејбар“) претставува најнова еволуција на иранското семејство балистички ракети со течно гориво со долг дострел. Беше претставена во мај 2023 година и предизвика значително внимание поради своите специфични технички карактеристики.
Оваа ракета е дизајнирана да биде побрза и посмртоносна од своите претходници. Носи екстремно тешка ненуклеарна боева глава од околу 1.500 кг, што ја прави една од најдеструктивните ракети во арсеналот на Иран.
IRGC launched a Khorramshahr-4 missile with a 1-ton warhead toward Israel earlier today at dawn, claiming it penetrated 7 layers of air defense. pic.twitter.com/C4s0THqwcn
— Current Report (@Currentreport1) March 5, 2026
…
