Хрватската поп-ѕвезда Северина уште еднаш покажа дека на сцената знае како да остави силен впечаток – не само со својот глас и енергија, туку и со внимателно одбран моден стил. На настапот во Сисак, во рамките на турнејата „Ја само пјевам“, пејачката се појави во впечатлив стајлинг кој веднаш го привлече вниманието на публиката и модните љубители.
Северина избра елегантен фустан со висок шлиц, кој суптилно ја нагласуваше нејзината фигура и му даваше на целиот изглед доза женственост и сценска драматичност. Но, иако фустанот веднаш привлекува погледи, вистинската модна сензација беа црните лакирани чизми над колена кои пејачката ги искомбинира со оваа комбинација.
Токму чизмите му дадоа на стајлингот дополнителен карактер – комбинација од гламур, моќ и урбана елеганција. Овој модел создава впечатлив контраст со фустанот и го прави целиот изглед уште поефектен и современ.
Модните познавачи велат дека чизмите над колена веќе долго време се едно од највпечатливите модни парчиња, бидејќи можат да му дадат нова димензија и на наједноставниот фустан. Кај Северина тие не беа само моден додаток, туку рамноправен дел од целиот стил, нагласувајќи ја силуетата и додавајќи доза сценска моќ.
Со ова модно издание, Северина уште еднаш покажа дека знае како со елеганција и самодоверба да ги спои гламурот и модерниот сценски стил, оставајќи впечаток што долго се памети.
