Луксузниот дом на светски познатата ѕвезда Ријана во Беверли Хилс вчера се најде во центарот на драматични случувања, кога вооружена жена пукаше кон влезот на вилата додека пејачката била внатре, јавуваат американските медиуми.
Инцидентот, според полициски извори од полицијата во Лос Анџелес (LAPD), се случил околу 13:20 часот по локално време. Жената, на возраст од околу 30 години, се приближила со возило во движење и испукала серија куршуми, од кои седум до десет истрели кон имотот на Ријана. Еден од проектиливите дури пробил и ѕид од домот.
Полицијата брзо реагирала по дојавата и успеала да ја уапси осомничената кратко по нападот. Засега не е познато зошто жената го сторила ова, а истражителите работат на откривање на мотивот зад обвинувањата.
Ријана била во куќата во време на пукањето, но, на среќа, не настрадала. Сè уште нема официјална информација дали нејзиниот партнер, раперот A$AP Rocky, или нивните две деца биле со неа во моментите кога дошло до нападот.
Импресивниот имот, сместен во елитната населба Беверли Крест во Лос Анџелес, ѕвездата го купи во 2021 година за 13,8 милиони долари. Полицијата продолжува со истрагата, а јавноста денес очекува повеќе детали за осомничената и за тоа дали постои каква било врска помеѓу неа и светски познатата пејачка.
