Редици од возила се забележуваат на бензинските пумпи низ земјава откако беше најавено значително поскапување на горивата кое стапува на сила од полноќ. Возачите брзаат да ги наполнат резервоарите пред да почнат да важат новите, повисоки цени.
Според одлуката на Регулаторната комисија за енергетика, дизел горивото поскапува за 14,5 денари по литар, додека бензините се зголемуваат за пет денари по литар.
Со новите цени, полнење резервоар од 50 литри со Еуродизел ќе чини околу 4.275 денари, што е за 725 денари повеќе од досега. Кај бензинот Еуросупер 98, возачите за истата количина ќе платат околу 4.075 денари, односно 250 денари повеќе.
Почнаа редици за пунење бензин. pic.twitter.com/Ka4jTBx2j5
— 🏳️🌈ТвитеротНаАнаФранк🇲🇰 (@box_kiki) March 9, 2026
Пресметките покажуваат дека при просечно месечно возење од 1.000 километри, трошокот за гориво ќе се зголеми на околу 6.840 денари за дизел возила и 6.520 денари за бензински автомобили. Тоа значи дополнителен месечен трошок од околу 1.160 денари за дизел и 400 денари за бензин.
Новите малопродажни цени изнесуваат: Еуросупер БС-95 – 79,5 денари за литар, Еуросупер БС-98 – 81,5 денари, Еуродизел БС (Д-Е V) – 85,5 денари за литар, екстра лесно масло за горење – 82,5 денари, додека мазутот М-1 НС ќе се продава по 42,586 денари за килограм.
…
