Цените на нафтата забележаа остар пресврт на светските пазари, откако по краткиот скок над психолошката граница од 100 долари за барел, следеше нагло поевтинување. Само еден ден по берзанските турбуленции, суровата нафта почна да губи на вредност, при што падот достигна и до десет проценти.
На меѓународните пазари, типот Брент во понеделникот вечерта се тргуваше за околу 94,62 долари за барел, што претставува намалување од приближно 4,3 проценти. Во исто време, американската сурова нафта ослабе за околу 3,8 проценти и се движеше околу 91 долар за барел.
Овој пресврт доаѓа веднаш по драматичниот раст на цените во текот на денот, кога барел нафта накратко ја надмина границата од 100 долари, поттикнат од геополитичките тензии и стравувањата за можни нарушувања во глобалното снабдување.
Дополнителен фактор за смирување на пазарите беа и изјавите на Доналд Трамп. Американскиот претседател прво навести дека конфликтот со Иран би можел да се приближи кон крај, сигнал што инвеститорите го протолкуваа како потенцијално олеснување за енергетските пазари. Сепак, подоцна истиот ден тој испрати и поостра порака, предупредувајќи дека Техеран би се соочил со „дваесеткратно посилен“ одговор доколку се обиде да го блокира протокот на нафта низ Ормускиот теснец.
