Иранската Револуционерна гарда упати необична понуда кон европските и арапските земји. Оние што ќе се одлучат да ги протераат дипломатите на Израел и САД, според Иран, ќе добијат неограничена слобода да поминуваат низ стратешкиот Ормузки теснец.
Медиумите во Техеран пренесуваат дека оваа одлука доаѓа во време кога Иран речиси целосно го блокирал преминот, преку кој нормално минува околу една петтина од светската нафта. Пораката од Сепах е дека прекинот на дипломатските врски со Вашингтон и Тел Авив ќе овозможи слободно пловење низ едно од најважните светски енергетски грла.
Претходно, американскиот претседател Доналд Трамп оцени дека растот на цените на горивото е неизбежен и најави испраќање на американската морнарица во регионот за да ги заштити танкерите од потенцијални ирански напади со ракети и беспилотни летала.
