Општинскиот комитет на Македонски Концепт (ОК на МК) во Битола со ново раководство. За координатор е избран Марјан Неделкоски, приватен стопанственик, дипломирал менаџмент на ФТМ Скопје, татко на две деца.
Заменик координатор е избрана д-р Јасмина Димитровска Босилкова, доаѓа од банкарски сектор, магистер по бизнис администрација МБА менаџмент и доктор по јавна администрација со објавени над 10 научни трудови на домашни и меѓународни научни конференции и со 20 години работно искуство во финансии и осигурување, лиценциран осигурителен брокер, мајка на едно дете.
Илија Митревски, долгогодишен активист и еден од основачите на партијата Македински Концепт е избран за секретар на О.К Битола.
Тој е техничар за транспорт и шпедиција, со доусовршување по менаџмент, со што стекнал знаења во областа на организација, управување со тимови и стратешко планирање. Татко на две деца.
На координативниот состанок присуствуваше и претседателот на партијата д-р Петар Богојески, универзитетски професор и политички активист, кој потекнува од битолскиот крај на Македонија. Во неговото излагање го истакна значењето на Битола за македонството и визијата на Македонски Концепт за општината и генерално за преспанско – пелагонискиот крај. Координаторот Неделкоски истакна нескрена мотивиранист за локален настап и развој на партиската структура во градот и околните општини. Заменик координаторот Босилкова во своето излагање изнесе дел од локалната програма за економски и институционален развој на Битола и грижа за огромното иселување на населението, особено младите лица.
Политичката партија Македонски Концепт е дел од владината коалиција Твоја Македонија и на последните локални избори беше дел од партиите кои дадоа поддршка за избор на актуелната локална самоуправа во Битола. Тие најавија и критичен однос кон слабостите кои е неопходно да се надминат, со цел да не се повтори разочарување на граѓаните во политиките на управување со општината и државата.
…
