Наместо на романтична вечер со девојка, која ја запознал преку социјални мрежи, кога заминал на средбата, маж од неготинско доживеал напад од четворица мажи, кои освен што физички го нападнале, и го ограбиле.
Како што информира Секторот за внатрешни работи Велес, немилиот настан се случил синоќа.
-32-годишниот И.С. од село Курија, во 21:30 часот, во СВР Велес, пријавил дека на подрачјето на Велес, откако претходно преку социјална мрежа договорил средба со женско лице, бил физички нападнат од четири лица, при што му одзеле пари и мобилен телефон, велат од полицијата.
Од секторот известија дека се преземаат мерки за расчистување на настанот.
