Кинескиот вицепремиер Хе Лифенг ќе ја предводи делегацијата на Пекинг на новата рунда економски и трговски разговори со САД, кои ќе се одржат во Франција од 14 до 17 март. Информацијата денес ја соопшти кинеското Министерство за трговија.
Според портпаролот на министерството, разговорите ќе се фокусираат на прашања од заеднички економски интерес за двете земји. Тој нагласи дека консултациите ќе се одвиваат во духот на договорените насоки и разбирања што лидерите на Кина и САД ги постигнале на нивната средба во Бусан, како и на претходните телефонски разговори меѓу нив.
