Американскиот претседател Доналд Трамп најави нови американски напади врз Иран, упатувајќи остри пораки кон иранското раководство и нагласувајќи дека САД ја добиваат војната.
Во објава на социјалната мрежа Truth Social, Трамп напиша дека американската војска располага со „неспоредлива огнева моќ, неограничена муниција и многу време“, истакнувајќи дека иранските воени капацитети се значително ослабени од почетокот на конфликтот.
Тој во објавата остро го критикуваше и весникот The New York Times, тврдејќи дека медиумот создава погрешна слика за состојбата на теренот.
„Целосно го уништуваме терористичкиот режим на Иран – воено, економски и на други начини. Ако го читате Њујорк Тајмс, би можеле да помислите дека не победуваме, но тоа не е така“, напиша Трамп.
Според него, иранската морнарица и воздухопловство се сериозно ослабени, а нивните ракети и беспилотни летала се значително уништени во текот на судирите.
Трамп порача дека САД ќе продолжат со операциите и најави дека во текот на денот може да следуваат нови напади.
…
