Војната меѓу Авганистан и Пакистан повторно ескалираше, откако пакистанските сили извршија воздушен напад врз болница во Кабул, при што според првичните извештаи животот го загубија најмалку 250 лица, а над 400 беа повредени.
Авганистанските власти тврдaт дека пакистанските воени авиони грубо го прекршиле воздушниот простор и свесно ја погодиле здравствената установа, предизвикувајќи масовна трагедија меѓу цивилното население. Главниот портпарол на талибанската влада го осуди нападот како „безмилосен удар врз болничици и невини граѓани“.
Од друга страна, Министерството за информација на Пакистан ги отфрли обвинувањата и тврди дека операциите не биле насочени кон цивили, туку кон легитимни „воени цели поврзани со тероризмот“. Според нивните соопштенија, нападите биле фокусирани на уништување на воени објекти, техничка опрема и складишта со муниција во Кабул и во провинцијата Нангархар.
